جاپان کی خواتین کی خوبصورتی دنیا بھر میں مشہور ہے۔ اگر آپ کو کبھی جاپان جانے کا اتفاق ہوا ہو تو آپ یقیناً جانتے ہوں گے کہ اس علاقے کی خواتین حسین، پُرکشش اور دبلی پتلی ہوتی ہیں۔ اس کی وجہ ان کا رہنے سہنے کا انداز اور جاپانی خوراک ہے ۔ ان کے سلیقے ، کھانے پینے کے معمول اور اندازِ زندگی کا ان کی صحت سے گہرا تعلق ہے۔ جاپانی لوگ کھانے کو صرف ذائقے دار اور مزیدار بنانے کے بجائے صحت مند بنانے پر توجہ دیتے ہیں۔ وہاں کی خواتین کی خوبصورتی اور پتلے ہونے کا راز ان کے طرزِ زندگی کے یہ سنہرے اصول ہیں جو یہاں بیان کیے جا رہے ہیں۔ انہیں معمول کا حصہ بنا کر جوان اور پرکشش وضع کا حصول ممکن ہے۔
سبز چائے کا استعمال (green tea/matcha tea)
سبز چائے کا قہوہ وزن کم کرنے کے لیے بہترین مانا جاتا ہے۔ اس میں موجود antioxidants بڑھتی عمر کے اثرات کو روکنے میں نہایت مفید ہیں۔ سبز چائے وزن کم کرتی ہے اور دل کے مرض اور کینسر جیسے مرض میں مبتلا ہونے سے بچاتی ہے۔ جاپانی لوگ سبز چائے کے قہوہ کا استعمال بڑی مقدار میں کرتے ہیں جس سے وہ دل کے مرض کا شکار نہیں ہوتے اور صحت مند رہتے ہیں۔ 2006 میں ہونے والی ایک ریسرچ سے معلوم ہوا کہ جاپانی 5 کپ سبز چائے کا روزانہ استعمال کرتے ہیں جس سے شراح اموات میں 26 فیصد تک کمی واقع ہوئی ہے۔ بہترین اثرات کے لیے matcha tea پاوڈر آسانی سے دستیاب ہے جو کہ خاص جاپانی سبز چائے کا پاوڈر ہے اور صحت کے لیے بے حد مفید ہے۔
خمیر کا استعمال
جاپانی اپنے کھانے میں fermented foods کا استعمال بہت زیادہ کرتے ہیں جس میں enzymes, omega-3 fatty acids, vitamins اور مزید مفید پروبائیوٹیکس موجود ہوتے ہیں۔ جاپانی کھانے میں عموماً استعمال ہونے والی fermented foods میں Sauerkraut, miso, tempeh, kombucha اور kefir شامل ہیں۔ ان میں صحت کے لیے فائدہ مند بیکٹریا موجود ہوتے ہیں جو خوراک کو ہضم کرنے میں مدد دیتے ہیں، وزن کم کرتے ہیں اور جسم سےنقصان دہ مواد کے اخراج میں مدد کرتے ہیں۔
Seafood کا استعمال
Seafood جیسے کہ salmon, tuna, mackerel and shrimp کا جاپانی کھانے میں استعمال گوشت سے زیادہ کیا جاتا ہے اور اسے زیادہ تر چاولوں کے ساتھ کھایا جاتا ہے۔ مچھلی میں موجود omega-3 fatty acids دل، دماغ اور دوسرے جسمانی اعضا کی کارکردگی بہتر بناتے ہیں۔ فیٹی ایسڈز جسم میں چربی جمع نہیں ہونے دیتے اور جلد سے متعلق مسائل کو حل کرتے ہیں۔ جلد کے مسائل جیسے کہ ایکنی، psoriasis، atopic dermatitis اور سکن کینسر کو روکنے کے لیے Seafood میں موجود فیٹی ایسڈز نہایت کارآمد ہیں۔
کم حصوں میں کھانا
جاپانی لوگ کھانا کھانے کے لیے چند اہم اصولوں کی پیروی کرتے ہیں جو انہیں موٹا ہونے اور وزن بڑھنے سے بچاتا ہے۔ ان کے مشہور اور کارآمد کھانے کے اصول یہ ہیں؛
- وہ پلیٹ کھانےسے بھرتے نہیں ہیں۔
- جاپانی کھانا بڑے حصوں میں پیش نہیں کیا جاتا۔
- ہمیشہ تازہ تیار کیے گئے کھانے کو ترجیح دی جاتی ہے۔
- کھانے کے اجزاء کو قدرتی انداز میں سجا کر پیش کیا جاتا ہے۔
پیدل چلنا
واک اور پیدل چلنا جاپانی لوگوں کا روزمرہ کا معمول ہے۔ جاپانی مر د اور عورتیں بہت زیادہ واک کرتے ہیں جس سے ان کا وزن کم ہوتا ہے، دل کا نظام بہتر ہوتا ہے، ذہنی دباو سے نجات ملتی ہے، جسمانی توانائی کو فروغم ملتا ہے اور موڈ بہتر ہوتا ہے۔ واک کرنے کے علاوہ جاپانی سائیکل پر سفر کرتے ہیں جو کہ ورزش کی ایک بہترین قسم ہے۔
کھانے کا مقرر وقت
جاپان میں چلتے پھرتے کھانا بہت غلط سمجھا جاتا ہے۔ ان کے نزدیک کھانے کا وقت مقدس ہوتا ہے اور اس وقت میں کوئی دوسرا کام نہیں کیا جاتا۔ کھاتے ہوئے ٹی وی دیکھنا یا کوئی اور کام کرنا اچھا تصور نہیں کیا جاتا۔ پورے دھیان سے، آہستہ اور چبا چبا کر کھانے سے خوراک جسم پر بہترین انداز میں اثر انداز ہوتی ہے اور کم کھانے میں ہی معدہ بھر جاتا ہے۔
کھانا پکانے کے اصول
کھانا پکاتے ہوئے حفظان صحت کے اصولوں کو مد نظر رکھا جاتا ہے۔ اجزاء کے استعمال میں جاپانی بہت احتیاط برتتے ہیں۔ وہ خوراک کو کچا کھانا پسند کرتے ہیں تاکہ زیادہ سے زیادہ غذائی اجزاء سے فائدہ اٹھایا جا سکے۔ اس کے علاوہ تیل کا استعمال کم کیا جاتا ہے۔
مارشل آرٹس
جوڈو، کراٹے اور مارشل آرٹس جاپان کے لوگوں کے مشہور مشاغل ہیں جو کہ مجموعی طور پر صحت میں بہتری کا ذریعہ ہیں۔ مارشل آرٹس سے ناصرف جسم میں لچک پیدا ہوتی ہے اور پٹھے مضبوط ہوتے ہیں بلکہ وزن بھی کم ہوتا ہے ۔ مارشل آرٹس جسم کو جوان رکھنے کے لیے بہترین ہے اور بڑھتی عمر کے اثرات بھی کم کرتا ہے۔
گرم پانی میں غسل
جاپانی hot spring bath دنیا بھر میں مقبول ہے۔ جاپانی لوگ hot spring bath لینا پسند کرتے ہیں جس سے صحت بہتر ہوتی ہے اور یہ شفا کا بھی ذریعہ ہے۔ پُر سکون اور آرام دہ hot spring bath سے پانی میں موجود calcium, silica, magnesium اور niacinجیسے مفید اجزاء جسم میں جذب ہو جاتے ہیں اور اس سے آکسیجن اور خون کی گردش میں بہتری آتی ہے۔ یہ دل اور دیگر اعضاء کے لیے بھی فائدہ مند ہے۔ مہینے میں 2 دفعہ hot spring bath لینے سے نیند بہتر ہوتی ہے اور ذہنی دباو کم ہوتا ہے۔
حفظانِ صحت کے مطابق میٹھے
جاپانی خواتین میٹھے کا استعمال بہت کم کرتی ہیں۔ کھانے کے بعد میٹھے کا استعمال نہ کرنا جاپانی لوگوں کی وہ عادت سے جس سے وہ موٹاپے کا شکار نہیں ہوتے۔ میٹھے کے بجائے وہ کھانے کے بعد تازہ پھل کھانے کو ترجیح دیتے ہیں ۔ چینی، شکر، اور آرٹیفیشل میٹھے وزن کو بڑھاتے ہیں۔ جاپانی میٹھے buckwheat آٹے، تازہ پھل اور sweet potatoes سے تیار کیے جاتے ہیں تاکہ انہیں صحت مند بنایا جا سکے۔ میٹھا کھانے کے لیے جاپانی مغربی طریقہ اپناتے ہیں جس کے مطابق میٹھے کی بہت کم مقدار کھائی جاتی ہے۔
